Mandati i Miroslav Lajçakut, Përfaqësues Special i Bashkimit Evropian për dialogun ndërmjet Kosovës dhe Serbisë është drejt përfundimit. Por, se po mendojnë për zgjatjen e mandatit është konfirmuar në Bruksel, shkruan Reporteri.net.

Procedura për zgjatjen e mandatit të ndërmjetësit tw BE-së, Miroslav Lajçak, është duke u zhvilluar ka konfirmuar zëdhënësi i BE-sw, Peter Stano.

“Sapo Këshilli i BE-së të marrë një vendim, ne do ta bëjmë atë zyrtar”, u deklarua Stano për median serbe Tanjug, zëdhënësi i BE-së, Peter Stano.

Stano shpjegoi se procedura standarde për të gjithë përfaqësuesit specialë të BE-së mandati i të cilëve po zgjatet, shtrihet me sugjerim të shefit të diplomacisë së BE-së dhe në konsultim me vendet anëtare. Kjo, tha ai, është në diskutim.

“Procedura për rinovimin e mandatit të Përfaqësuesit Special, Miroslav Lajçak në asnjë mënyrë nuk ndikon në vazhdimin e dialogut midis Beogradit dhe Prishtinës, i cili po zhvillohet nën kujdesin e BE-së”, përfundoi Stano.

Në fillim të prillit 2020, ministrat e jashtëm të BE-së, me sugjerim të ministrit të jashtëm të BE-së Josep Borrell, caktoi diplomatin sllovak, Miroslav Lajçak si përfaqësues special të BE-së për dialogun midis Kosovës dhe Serbisë.

Mandati ishte caktuar në një vit dhe fokusi ishte dhe mbetet në arritjen e një marrëveshje mbi normalizimin gjithëpërfshirës të marrëdhënieve midis Prishtinës dhe Beogradit

Pas njoftimeve fillestare se marrëveshja midis Kosovës dhe Serbisë “do të zgjasë me muaj, jo me vite”, Miroslav Lajçak vlerësoi në fund të vitit 2020 se ka ende një “rrugë të gjatë” deri në marrëveshjen përfundimtare midis dy shteteve dhe duke aluduar indirekt se të paktën një mandat më shumë do të kërkohet për ta kryer atë punë.

Në Bruksel theksojnë se Përfaqësuesi Special i BE-së punon çdo ditë në vazhdimin e procesit të dialogut, i cili duhet të zhvillohet pas zgjedhjeve dhe formimit të qeverisë në Prishtinë.