Kryeministri shqiptar, Edi Rama pas protestës të sotme të opozitës i ka çuar një mesazh kreut të PD-së Lulzim Basha.

Kreu i qeverisë shkroi në Twitter se “Marshimet për të rrëzuar qeverinë me kapsolla janë xhiro bosh që nuk nxjerrin askund”.

Rama ndërkaq ka lavdëruar Policinë e Shtetit.

“Përsëri respekt për Policinë e Shtetit në taksiratin që e ka zënë. Dhe një mesazh për LB: Lëri kapsollat! Autobusin e këtij qershori e humbe po mos humb trenin e qershorit 2021! Kur do flasim?”, ka shkruar Rama.

Pas protestës së sotme të opozitës shqiptare, kreu i PD-së, Lulzim Basha tha se protesta e tyre nuk do të ndalet deri sa Shqipëria të bëhet si gjithë Evropa.

Përfundon protesta e opozitës në Shqipëri, Basha: S’do të ndalemi