Policia në Ferizaj ka arrestuar dy persona të dyshuar në lidhje me rastin ,,Grabitje”, të ndodhur ditë më parë në këtë qytet.

Sipas policisë të dyshuarit janë M.S. dhe një e mitur 17 vjeçare, ku rreth orës 22 e 30 minuta me forcë kanë ndaluar viktimën S.H. dhe nga ajo kanë grabitur çantën e dorës dhe një telefon celular.

“Të dyshuarit M.S. (m/sh/k 27 vjeç) dhe e mitura 17 vjeçare,me 12.05.2019 rreth orës 22:30 minuta në rrugën ,,Atë Nikollë Prela” në Ferizaj, me forcë kanë ndaluar viktimën S.H. (f.sh./k.) dhe nga ajo kanë grabitur çantën e dorës dhe një telefon celular”, thuhet në njoftimin e Policisë në Ferizaj, shkruan Reporteri.net

Gjatë intervistimit në prani të avokatëve mbrojtës, i dyshuari ka pranuar në tërësi veprën penale, ndërsa e dyshuara është mbrojtur në heshtje.

“Tek të dyshuarit është gjetur dhe konfiskuar si provë materiale telefoni i markës ,,Sony”. Me urdhër të prokurorit, të dyshuarit iu është shqiptuar masa e ndalimit policor prej 48 orëve,kurse për të miturën 24 orë dhe të njëjtin janë dërguar në Qendrën e Mbajtjes në Ferizaj”, thuhet më tej në njoftim.