Mino Raiola u ka thënë gazetarëve që ‘të lënë Donnarumma rehat’, duke sugjeruar se ai do të mbajë bisedime të fshehta për të vendosur për të ardhmen e lojtarit.

Agjenti fillimisht kishte refuzuar të fliste për të ardhmen e Gigio Donnarummas dhe Zlatan Ibrahimovic, por përfundimisht ndaloi të flasë me gazetarët.

“Ju duhet ta lini Gigion rehat, sepse ai po përpiqet të arrijë diçka shumë të rëndësishme për Milanin dhe për karrierën e tij”, tha Raiola.

“Pjesa tjetër do të bëhet fshehurazi, pa ju lënë të dini asgjë, është kështu dhe do të jetë gjithmonë kështu”.

“Ibrahimovic nuk më befasoi”, vazhdoi Raiola.

“Unë ju kam thënë që Zlatan ishte i vetmi që mund të shpëtojë Milanin, dhe u vërtetua se kisha të drejtë”.

Javën e kaluar, suedezi duket se u ka dërguar një mesazh drejtorëve të Milanit se ai ishte i gatshëm të nënshkruante një kontratë të re pas dy golave kundër Crotones.

“Duhet ta pyesni atë se çfarë donte të thoshte”, tha Raiola.

“Unë nuk e di se çfarë dëshiron ai të bëjë, por ai është dikush që i përmirëson të gjithë, ai është vetëmohues dhe i duhet Milanit për t’u kthyer atje ku i përkasin. Ata e kuptuan, unë jam shumë i lumtur për të, për Milanin dhe për tifozët e tyre”.