Arsenali e ka mposhtur 4:2 Leeds Unitedin në një ndeshje zbavitëse në Londër, duke e arritur fitoren e parë pas një barazimi dhe dy humbjeve në tri ndeshjet e fundit në Premierligë.

Pierre-Emerick Aubameyang shkëlqeu duke e regjistruar het-trikun e parë në Premierligë, ndërkohë që Hector Bellerin e shënoi golin tjetër për skuadrën e Mikel Artetës.

Topçinjtë e kryen punën në pjesën e parë kur i shënuan tri gola, me Aubameyang që e hapi serinë e golave në minutën e 13-të pasi u shërbye nga Granit Xhaka, para se ta dyfishonte epërsinë nga penalltia në minutën e 41-të.

Katër minuta më vonë, Bellerin shënoi golin e tretë të Arsenalit, pas një aksioni të gjatë të vendasve.

Aubameyang e kompletoi het-trikun, i cili ishte i pari për të në Premierligë, kur shënoi me kokë në minutën e 47-të.

Leeds luftoi për t’u rikthyer në lojë dhe ai doli të shënojë dy herë brenda rreth 10 minutave.

Pascal Struijk e shënoi golin e parë për vizitorët pas një ore lojë, para se Helder Costa të shënonte pas vetëm 10 minutave, për t’i dhënë shpresë Leedsit për një rikthim të pamundur.

Megjithatë, skuadra e Marcelo Bielasa ishte e pafuqishme për ta kompletuar rikthimin dhe e pësoi humbjen e dytë në pesë ndeshjet e fundit.

Arsenali e kalon Leedsin në renditje tani dhe renditet në vendin e 10 me 34 pikë, gjashtë më pak se top katërshja.

Leeds bie në vendin e 11-të me 32 pikë