Komisionerja e Lartë për të Drejtat e Njeriut në OKB, Michelle Bachelet është shprehur se mirëpret qëndrimin publik të administratës Biden për heqjen e dënimet me vdekje nga SHBA, një nga shtetet e fundit në perëndim që ende e ruajnë këtë praktikë.

“E mirëpres deklaratën e administratës të re në SHBA për heqjen e dënimit me vdekje në rang federal dhe shtetëror”- ka thënë Komisionerja Bachelet nga Gjeneva.

Dënimi me vdekje historikisht ka qenë në prerogativën e secilit nga 50 shtetet e Amerikës për ta mbajtur ose jo, ndërkohë që ish-presidenti Donald Trump bëri disa tentativa për të rikthyer dënimin me vdekje në rang federal, por kjo tentativë u interpretua si keqdashëse dhe diskriminuese, teksa disproporcionalisht më shumë të dënuar me vdekje janë individë që vijnë nga minoritetet etnike në SHBA.

Për të arritur objektivin e largimit të dënimit me vdekje nga çdo shtet i SHBA, Biden-it do i duhet mbështetja e 2/3 të Kongresit si dhe një vendim nga Gjykata Kushtetuese që konfirmon ligjshmërinë e një vendimi të tillë, ndaj për pasojë, paçka vullnetit të mirë të tij, një heqje e plotë e kësaj praktike është ende e largët.