Policia e Kosovës, ka bërë të ditur se ka arrestuar një person në qytetin e Pejës, pasi i njëjti pas ndalimit i është gjetur se mbante pasaportë të vëllait të tij.

Në raportin e Policisë, thuhet se bëhet fjalë për një shtetas të huaj i cili ka qenë në kërkim nga INTERPOL-i në shtetin e tij, duke mos e specifikuar vendin, shkruan Reporteri.net.

Me vendim të Prokurorit, i arrestuari është dërguar në mbajtje.

“Pejë 15.05.2019-15:10. Është arrestuar i dyshuari mashkull shtetas i huaj, pasi që gjatë verifikimit të tij ka rezultuar se pasaporta e prezantuar nga ai ishte e vëllait të tij dhe i njëjti ishte në kërkim nga INTERPOL-i në shtetin e tij. I dyshuari me vendim të prokurorit është dërguar në mbajtje”, thuhet në raportin e Policisë së Kosovës. /Reporteri.net