Dy persona dyshohet se janë gjetur të vdekur në lagjen “Kalabria” në Prishtinë.
Dyshimet e para janë për vrasje dhe më pas vetëvrasje, shkruan Reporteri.net.
Mjekësia Ligjore aktualisht po i largon trupat nga vendi i ngjarjes.
Policia e Kosovës ka dhënë detaje për Reporteri.net për vrasjen e dyfishtë në Prishtinë.
Flora Ahmeti, zëdhënëse e Policisë së Kosovës ka thënë se rreth orës 09:00 policia ka pranuar informatën për dy persona të pajetë në lagjen Emshir në Prishtinë.
“Menjëherë pas marrjes së informatës policia ka dalë në vendin e ngjarjes bashkë me prokurorin e shtetit dhe mjekët emergjent. Në vendin e ngjarjes janë hasur dy trupa të pajetë, vdekja e të cilëve është konstatuar nga ana e ekipit mjekësor”, thotë Ahmeti për Reporteri.net.
Aktualisht policia ka nisur një hetim për rastin dhe rrethanat që karakterizojnë ngjarjen.
