Portugalia ka njoftuar se ka pezulluar e AstraZeneca si një “masë paraprake”.

Portugalia është vendi i fundit europian që ka pezulluar vaksinimin me AstraZeneca pas raporteve të pacientëve që kanë pësuar mpiksje gjaku pas inokulimit. Franca, Gjermania, Italia dhe Spanja gjithashtu kanë pezulluar përdorimin e vaksinës AstraZeneca Covid-19.

Sipas autoritetit kombëtar shëndetësor, vendimi u mor “për shkak të raporteve të mpiksjes së gjakut tek pacientët e vaksinuar”.

Agjencia Europiane e Barnave (EMA) tha se përfitimet e vaksinës AstraZeneca tejkalojnë rreziqet, duke shtuar se numri i njerëzve që zhvillojnë mpiksjen e gjakut pas vaksinimit nuk duket të jetë më i lartë se në popullatën e përgjithshme.

Agjencia tha se do të zhvillonte një takim urgjent të enjten për të këshilluar “çdo veprim i mëtejshëm që mund të jetë e nevojshme të ndërmerret”.