Ambasadorja amerikane, Yuri Kim ka mbërritur në qytetin e Shkodrës.

Mësohet se ambasadorja është takuar me drejtuesin politik të PD-së në qarkun Shkodër, Helidon Bushatin.

Pas takimit me Bushatin, Ambasadorja do të takohet me Edona Bilalin drejtuese politike e PS-së në Shkodër.

Dy javë më parë Ambasadorja zhvilloi një takim me përfaqësuesit kryesor të partive politike në qytetin e Elbasanit.

Ajo u përcolli mesazhin e SHBA-së drejtuesve politikë, Taulant Balla, Gazmend Bardhi, Monika Kryemadhi e Rudina Hajdari.

“Fuqia përfundimtare qëndron te votuesit. Atyre që u kërkohet t’u blihet vota do t’u thoja: Vota juaj është pushteti juaj, prandaj mos e dorëzoni këtë!” nënvizoi ambasadorja në një prononcim për mediat pas takimit në Elbasan më 10 mars.