Ministri i Financave i Emirateve të Bashkuara Arabe dhe njeriu i dytë më i fuqishëm në Dubai, Sheik Hamdan, vdiq në moshën 75 vjeçare.

Hamdan ka qenë ministër i Financave i Emirateve të Bashkuara Arabe që nga viti 1971 dhe u bë njeriu i dytë i Dubait në vitin 2006.

Ai ishte djali i dytë i sundimtarit të ndjerë të Emirateve të Bashkuara Arabe, Rashid bin Saeed Al Maktoum dhe vëllai i madh i nënkryetarit aktual dhe kryeministrit të Emirateve, Mohammed bin Rashid.

“Ne i përkasim Zotit dhe do t’i kthehemi Atij … I dashur Zot, ki mëshirë për vëllain tim të dashur, mbështete dhe shoqëroje”, shkroi Sheik Mohammed bin Rashid në Twitter.

Ndryshe, aktualisht është e panjohur se çfarë e shkaktoi vdekjen e Sheik Hamdanit.