Linda Shala, që ishte një nga kandidatet në garën për kryetar të Komitetit Olimpik të Kosovës, ka reaguar pas humbjes në këtë garë ku fitues doli Ismet Krasniqi, i cili e mposhti Besim Hasanin që udhëheqi KOK-un për 25 vite me radhë.

Në këtë garë, Shala mori 11 vota. Por ajo ka shkruar në Facebook se i dëshiron suksese kryetarin të ri.

Tutje ajo ka falënderuar të gjithë ata që përkrahën atë.

Postimi i plotë i Shalës pa ndërhyrje:

Unë nuk u zgjodha Kryetare, Kryetarin e zgjedhur e uroj dhe i dëshiroj sukses.

Unë vazhdoj të jem Kryetare e zemrës e gjithë sportistëve dhe sportisteve të vendit dhe i falënderoj shumë për përkrahjen e tyre. Që nga Majlinda Kelmendi e deri te shpresa më e re Astera Tuhina.

Do të vazhdoj të kontriboj për ta.