Komisioni Qendror i Zgjedhjeve ashtu siç kishe paralajmëruar mbajti konferencën e parë lidhur me zgjedhjet e jashtëzakonshme për kryetar në katër komuna: Leposaviq, Zubin Potok, Zveçan dhe Mitrovicë e Veriut, shkruan Reporteri.net

Pas kësaj konference, KQZ njofton 87 vendvotimet ku do të mbahen këto zgjedhje, janë hapur në kohën e paraparë, në orën 07:00, dhe sips tyre procesi i votimit po zhvillohet në rregull.

Komisioni Qendror i Zgjedhjeve fton të gjithë qytetarët me të drejtë vote nga këto komuna që të shfrytëzojnë të drejtën e tyre kushtetuese për të votuar.

Numri i përgjithshëm i votuesve në këto katër komuna është: 57 mijë e 983 votues, apo 970 votues më shumë në krahasim me zgjedhjet lokale të 22 tetorit 2017. Ndërkaq, numri i qendrave të votimit në këto katër komuna është 44 me gjithsej 87 vendvotime. /Reporteri.net/