Deri në orën 11:00 votuan 9 mijë e 361 votues mijë votues apo 16.14% në zgjedhjet në veri të Mitrovicës.

Kjo u bë e ditur pasi Komisioni Qendror i Zgjedhjeve mbajti konferencën e dytë lidhur me zgjedhjet e jashtëzakonshme për kryetar në katër komuna: Leposaviq, Zubin Potok, Zveçan dhe Mitrovicë e Veriut.

Pas kësaj konference u bë e ditur se deri në orën 11:00 të drejtën e tyre për të votuar e kanë shfrytëzuar 9 361 qytetarë me të drejtë vote nga 57 mijë e 983 sa është numri i përgjithshëm i tyre në këto katër komuna.

KQZ njofton se Në zgjedhjet lokale të 22 tetorit 2017, deri në të njëjtën kohë, patën votuar 8 mijë e 483 votues apo 14.88%.