Një zjarr ka shpërthyer në një ndërtesë në rrugën “C” në Prishtinë, ndërkaq bëhet e ditur se nga kjo nuk ka persona të lënduar.

Rastin për Reporterin e ka konfirmuar Zëdhënësja e Policisë për Rajonin e Prishtinës, Flora Ahmeti.

“Rreth orës 15:00 e kemi pranuar një informatë për një incident zjarri në rrugën ‘C” në Prishtinë, saktësisht në një banesë. Menjëherë në vendngjarje kanë dalë njësitet policore dhe zjarrfikësit. Zjarri është lokalizuar, nuk ka persona të lënduar”, ka thënë Ahmeti.