Kandidati për president iu dërgon letër ambasadorëve të vendeve të QUINT-it

Lajme

Kandidati për president iu dërgon letër ambasadorëve të vendeve të QUINT-it

Reporteri

01 Prill 2021 | 20:37

Kandidati i pavarur për president, Nehat Idrizi, iu ka shkruar një letër ambasadorëve të shteteve të QUINT-it.

Ish-kryesuesi i Këshillit Gjyqësor të Kosovës, Idrizi, në letrën e tij ka shprehur shqetësimet për zgjedhjen e presidentit të ri të vendit.

Idrizi ka tërhequr vërejtjen se vendi është në afatet e fundit për zgjedhjen e presidentit dhe se pas datës 5 prill zgjedhja e presidentit mund të jetë jokushtetuese.

Lexo edhe:

Sekuestrohen rreth 5 mijë euro, arrestohet personi i dyshuar për “falsifikim të parasë”

Haradinaj: Mendoj që një pjesë e mirë e deputetëve janë narko-konsumues

Gashi: Nga 40 kosovarë, edhe 13 ndodhen në Izrael

“Unë s’i kandidatë për këtë post, vlerësoj se deri më tani nuk është bërë ndonjë lëvizje e duhur konkrete për zgjedhjen e Presidentit. Jemi në afatet e fundit dhe, pas datës 5 prill, zgjedhja e presidentit mund të jetë jo kushtetuese. Vendi, mund të hyjë në një krizë të re politike me pasoja të pariparueshme që tashmë, nuk do të mund ta përkufizonim vetëm ‘s’i një krizë e ardhshme zgjedhore – konstitucionale’. Pasojat, do të shfaqen dhe do të kenë impakte negative ( për shoqërinë dhe vendin), edhe në shumë fusha të tjera”, tha ai.

Në fund, Nehat Idrizi ua ka bërë me dije ambasadave të vendeve të QUINT-it se si kandidat konsensual që është ka besim që institucionet do t’i respektojnë afatet kushtetuese për zgjedhjen e presidentit dhe se, bashkërisht, do të punojnë për shmangien e çfarëdo krize eventuale në këtë drejtim.

Shpërndaje: