Para disa ditëve, një infermier ishte sulmuar në terren ku po asistonte në një rast ku ishte thirrur urgjenca. Dalin në terren për të ofruar ndihmë ndaj qytetarëve me probleme shëndetësore.

E nuk janë të rralla rastet, kur punonjësit shëndetësorë sulmohen.

Një rast i ngjashëm ka ndodhur me një punonjës të Qendrës Kryesore të Mjekësisë Familjare në Prishtinë.

Për të kundërshtuar veprimet e tilla, sindikata e shëndetësisë të QKMF-së kanë protestuar gjatë së enjtes.

Avdyl Pacolli, drejtor i Mjekësisë Urgjente në Prishtinë ka thënë që kjo protestë po bëhet në solidarizim me kolegët që sulmohen gjatë punës.

Ai tha se arsyeja që e ka shtyrë qytetarin të ushtrojë dhunë ka qenë kërkesa e infermierit që të mos e xhirojë pacienten gjatë dhënies së trajtimit.

Pasi ishte sulmuar infermieri më 29 mars, rasti ishte raportuar në Policinë e Kosovës