Kandidatja për presidente, Vjosa Osmani, është larguar nga salla e Kuvendit të Kosovës pasi dështoi të votohet si presidente e re e shtetit.

Në raundin e parë të votimit, Komisioni ka vlerësuar se janë vetëm 78 vota në kuti, të cilat janë të pamjaftueshme për zgjedhjen e presidentit, shkruan Reporteri.net.

Tre deputetët e LDK-së, Agim Veliu, Avdullah Hoti e Driton Selmanaj, nuk kanë marrë pjesë në votim në raundin e parë.

Ata nuk janë parë duke votuar, derisa Kryetari i LDK-së Lumir Abdixhiku dhe Kujtim Shala kanë marrë pjesë në votim, po nuk janë parë ta plotësojnë fletëvotimin për President.

Kryeparlamentari Glauk Konjufca propozi që të bëhet përsëritja e raundit të parë të votimit brenda 10 minutave.