Daut Haradinaj: Kosharja dhe Kushtetuta e Kosovës, themel i lirisë dhe funksionimit të shtetit

Lajme

Daut Haradinaj: Kosharja dhe Kushtetuta e Kosovës, themel i lirisë dhe funksionimit të shtetit

Reporteri

09 Prill 2021 | 12:13

Ish-deputeti nga radhët e Aleancës për Ardhmërinë e Kosovës, tani kandidat për të parin e Prishtinës, Daut Haradinaj ka thënë se Kushtetuta e Kosovës dhe Beteja e Koshares janë dy ngjarje themel i lirisë dhe funksionimit të shtetit.

Përmes një postimi në llogarinë e tij në facebook, Haradinaj ka thënë se 9 prilli shënon goditjen e fundit regjimit serb.

“Sot shënojmë dy ngjarje, themelin e lirisë dhe funksionimin e shtetit të Kosovës. Nëntë prilli, fillimi i luftës në Koshare, ishte dita ku mijëra djem e vajza nga mbarë bota shqiptare ishin rreshtuar nën komandën e Rrustem Berishës, për t’i dhënë goditjen e fundit regjimit serb”, ka shkruar Daut Haradinaj.

Lexo edhe:

40 mijë euro mbushje Vala për deputetët në vitin 2024, kush shpenzoi më së shumti?

“Me dije e përvojë”, Vetëvendosje thotë se me Hajrulla Çekun Prishtina s’do të mbetet në kaos

Abazi: Nëse është gëzuar dikush më së shumti për Gjykatën Speciale është vetë Kurti

Ai ka thënë se duhet nderuar dhe respektuar të gjithë ata që ndër vite kontribuuan deri në aktin e Ditës së Kushtetutës.

“Nëntë prilli shënon edhe ditën e Kushtetutës, si akti më i lartë juridik i Republikës sonë. Të dyja këto ngjarje e dëshmojnë sakrificën dhe i japin vulën kushtetuese vendit tonë. Nder dhe respekt për të gjithë ata që ndër vite kontribuuan deri në aktin e Ditës së Kushtetutës”, është shprehur ai.

Shpërndaje: