Që prej fillimit të fushatës së vaksinimit “Shqipëria Buzëqesh” janë vaksinuar në Shqipëri 250.000 qytetarë. Lajmin e ka bërë të ditur kryeministri Edi Rama me anë të një postimi në rrjetet sociale.

Kujtojmë se fillimisht Shqipëria është furnizuar me vaksinat e kompanisë amerikane Pfizer me të cilat kreu vaksinimine bluzave të bardha dhe punonjësve të tjerë të sektorit shëndetësor, të ndjekur nga të moshuarit e moshave mbi 70 vjeç.

Më pas me mbërritjen e vaksinave AstraZeneca dhe veçanërisht marrëveshja e marrjes së 1 milion vaksinave kineze Sinovax, është mundësuar startimi i fushatës masive të vaksinimit që ka përfshirë të moshuarit 65 vjeç e sipër, mësuesit, pedagogët, gazetarët e terrenit, farmacistët dhe punonjësit e Policisë (të gjitha këto, grupe të cilat janë më tepër të ekspozuar ndaj virusit).

Sipas planit qeveritar, deri në fund të muajit Maj do të jenë vaksinuar 500.000 qytetarë.