Deputeti i PDK-së, Bekim Haxhiu ka thënë se brenda tri ditëve do të merr përgjigje për sigurimin e një milion vaksinave kundër Covid-19 nga kompanitë Modena dhe AstraZeneca.

Ai tha se ka kontaktuar me biznesmenë të suksesshëm e shoqata të mjekëve në Amerikë dhe në Evropë.

Kështu që brenda tri ditësh ai pret një përgjigje lidhur me sigurimin e këtyre vaksinave.

“Kam kontaktuar me biznesmen të suksesshëm, me mjek, dhe shoqata të mjekëve në Amerikë, dhe në vendet e Evropës, dhe jam duke e pritur një përgjigje konkrete për sigurimin e 1 milion vaksinave brenda tri ditësh, të markave Modena, dhe AstraZeneca. Ne mund të fasilitojmë takimin, dhe pastaj Qeveria e Kosovës bën marrëveshjen drejtpërdrejtë me këto kompani”, tha Haxhiu në Kanal10.

Deputeti Haxhiu po ashtu tha se këto vaksina mund të vijnë në Kosovë brenda një muaji.