Kryetari i LDK-së, Isa Mustafa, është takuar sot me Përfaqësuesen e Posaçme të BE-së dhe Shefe e Zyrës së BE-së në Kosovë, Nataliya Apostolova.

Sipas njoftimit të LDK-së, Mustafa dhe Apostolova kanë diskutuar për situatën aktuale politike në Kosovë.

Mustafa e njoftoi Apostolovan për qëndrimet e LDK-së për proceset në të cilat po kalon Kosova.

Po ashtu i pari i LDK-së, e falënderoi BE-në për mbështetjen e vazhdueshme që i kanë dhënë Kosovës në të gjitha proceset shtetformuese.

Ndërsa Apostolova falënderoi Mustafën për mikpritjen dhe inkurajoi LDK-në të vazhdojë të ketë rol konstruktiv në zhvillimin e vazhdueshëm të Kosovës. /Reporteri.net/