Pamje vërtet dramatike vijnë nga India, ku një punonjës i shërbimit hekurudhor shpëton një fëmijë që kishte rënë te shinat, pak sekonda para se aty të kalonte një tren.

Pamjet e publikuara nga Ministria e Hekurudhave të Indisë, të kapur nga kamerat e sigurisë, tregojnë momentin kur fëmija shkëputet nga mamaja, që më pas mësohet se ishte e verbër, dhe rrëshqet në shina, teksa në distancë duket treni që po afrohet në stacion.

Brenda pak sekondash punëtori hidhet gjithashtu në shinë, dhe para mbërritjes së trenit arrin të nxjerrë fëmijën dhe veten jashtë rrezikut.