Përfaqësues të Partisë Demokratike bllokuan në Maqellarë të Dibrës një makinë, që sipas tyre shpërndante para për të blerë votën në zgjedhjet e 25 prillit.

Mbështetësit e PD kërkuan që të hapej makina, gjë e cila u refuzua nga drejtuesi i saj. Makina është kontrolluar pas urdhrit të Prokurorisë dhe brenda është gjetur një shumë parash.

Kreu i Policisë së Dibrës kanë dërguar në vendngjarje edhe forcat speciale, të cilat po numërojnë shumën e parave të gjetur në mjet.

Deri më tani ende nuk janë bërë të ditur identitet e personave që posedonin këtë shumë parash.