Ka ndërruar jetë njëri nga të lënduarit në aksidentin që ndodhi më 17 maj në autostradën “Arbën Xhaferi”.

Në këtë aksident të rëndë ishin përfshirë dy vetura dhe një kamionetë, shkruan Reporteri.net.

Lajmin e ka bërë të ditur policia e Kosovës, ku thuhet se i aksidentuari nuk kishte mundur t’u mbijetojë plagëve të marra.

Të lënduar në këtë aksident kishin mbetur edhe tre persona të tjerë.

Me urdhër të prokurorit trupi i pajetë dërgohet për obduksion, ndërsa i dyshuari  për shkaktimin e aksidentit është dërguar në mbajtje. /Reporteri.net