Kryeministri Edi Rama edhe një herë ka përsëritur faktin, që ai nuk do të jetë Kryeministër sërish nëse forca politike që ai drejton nuk do të ketë një fitore bindëse më 25 Prill.

Rama tha qartë gjatë një interviste në Top Channel, se ai nuk do të drejtojë një qeveri me 70+1 deputetë, duke pohuar se në këto kushte nuk do të ketë as kryetar i partisë.

“As kryeministër, as kryetar i PS, as deputet as analist. Një kryetar organizate në Surrel mund ta bëja, sepse në PS do jem sa të kem frymën dhe PS-së do i shërbej sa të kem frymën”, tha Rama duke shtuar se ka edhe një jetë të tretë.