Ish-kryeministri i Shqipërisë dhe njëherësh kandidati nga radhët e Partisë Demokratike, Sali Berisha, e nisi ndryshe ditën e heshtjes zgjedhore.

Ai publikoi në faqen e tij zyrtare në Facebook një fotografi të super yllit me famë botërore, Kim Kardashian.

Bëhet fjalë për një imazh ku Kim pozonte me dy gishtërinjt e ngritur lartë, e që njihet përndryshe si simbol i demokratëve.

Duke shfrytëzuar gjestin artikulues të demokracisë që Kim ka bërë në këtë fotografi, Berisha vendosi që ta ndajë imazhin me ndjekësit e tij të shumtë në rrjetin social Facebook.

Ish-kryeministri dhe ish-presidenti i Shqipërisë madje nuk ka nguruar që ta quajë Kim Kardashianin një “divë të botës”.

“Një mirëmëngjes special nga diva e botës Kim Kardashian”, shkroi Berisha në mbishkrimin e fotografisë së Kim, të cilën ajo e kishte publikuar në Instagram pak kohë më parë me mbishkrimin “Mirëngjes botë”.