Aktivistja e PD-së në Divjakë, Elsa Bita, ka përfunduar në spital sot për shkak të një videoje-denoncuese që ajo publikoi në Fb.

Në ditën e heshtjes zgjedhore, Bita ka filmuar me celular një takim elektoral të Partisë Socialiste në Divjakë, ku ishin thirrur të gjithë punonjësit e administratës dhe dëshmi ishin makinat e parkuara që kishin bllokuar rrugën.

Në videon që ajo e shpjegon vetë, shihet momenti i fundit kur paralajmëron se pret të vijë Policia, pasi prania e saj me celular është pikasur.

Elsa Bita dëgjohet të thotë në video:Të gjitha këto makina janë të parkuara para lokalit se po bëhet mbledhje. Siç e shikoni, nuk e di nëse do të vijë Policia apo jo se është jashtë normave të lejuara. Po bëhet mbledhje dhe është e palejueshme. Janë të gjitha makinat e administratës dhe po bëhet mbledhje brenda në lokal.