Kryeministri i Shqipërisë, njëherësh kandidati i PS-së për këtë pozitë, Edi Rama dhe bashkëshortja e tij, Linda Rama kanë votuar në qendrën e votimit në Surrel.

Ai në një deklaratë për media tha se sot është një ditë e bukur, që qytetarët të gjuajnë penalltinë e tyre, pra votën.

“Është një ditë shumë e bukur. një ditë fantastike, sot është dita që të mos ushqejmë asnjë ndjenjë negative ndaj askujt që me votën e vet shpreh një opinion tjetër, Sot dhe jemi një familje e madhe në një atdhe, mos të harrojnë se demokracia është sport pa spektator, sport që secili të zbresë në fushë dhe të gjuajë penalltinë e tij”, tha ai.