Një person nga Podujeva është raportuar i zhdukur që nga data 16 maj dhe ende nuk dihet asgjë për vendnsodhjen e tij. Policia po kërkon ndihmën e qytetarëve për ta gjetur.

Policia ka bërë të ditur se rastin e zhdukjes së Hetem Dedaj nga Podujeva e kanë lajmëruar familjarët e tij.

“Ju njoftojmë  se më datë 16.05.2019, në polici është raportuar për një person të zhdukur. Që nga kjo datë deri më tani, nuk ka asnjë rezultat për zbardhjen e rastit, prandaj kërkojmë edhe ndihmën e qytetarëve. Bëhet fjalë për Hetem Dedaj, i lindur në vitin 1975, banues në rrugën 19 Qershori në Podujevë”, thuhet në njoftimin e policisë.

Po ashtu bëhet e ditur se në lidhje me këtë person, kërkimet e deritanishme policore, nuk kanë dhënë ndonjë rezultat, andaj kërkojmë nga të gjithë ata që mund të ndihmojnë në identifikimin e vendndodhjes së tij, të informojnë policinë në linjën emergjente 192. /Reporteri.net