106-vjeçari Zyber Carja nga qyteti i Librazhdit është votuesi më i veçantë i këtyre zgjedhjeve parlamentare dhe kjo për shkak se i moshuari ka votuar që nga koha e mbretit Zog në diktaturë dhe tani në demokraci.

Familjarët e tij thonë se edhe pse me raste ai ka pasur nevojë për ndihmë, nuk e ka treguar asnjëherë votën e tij.

Zyber Carja kujton mirë përpjekjet e Fan Nolit, në atë kohë i cili nuk ia doli dot të zhvillonte zgjedhje pas Revolucionit të qershorit. Më pas Ahmet Zogu mori pushtetin, për ta dorëzuar me nisjen e Luftës së Dytë Botërore.