Një person është plagosur në lagjen “Ulpiana” në Prishtinë.

Policia ka dalë në vendin e ngjarjes dhe ka rrethuar vendin ku ka ndodhur incidenti.

Lajmin e ka konfirmuar Policia e Kosovës për Reporteri.net.

“Rreth orës 18:00 është raportuar për një gjuajtje me armë zjarri në lagjen Ulpiana në Prishtinë. Menjëherë pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karaketrizojnë rastin. Bazuar në të dhënat fillestare, një person është plagosur nga arma e zjarrit”, thonë Policia e Kosovës për Reporteri.net.

Policia thotë se i njëjti është dërguar ne QKUK për trajtimin e nevojshëm mjekësor.

“Personi i dyshuar është arrestuar nga ana e policisë dhe të njëjtit i është konfiskuar një armë që dyshohet të jetë përdorë në rast”, thotë Policia.

Reporteri.net ka siguruar videon nga vendi i ngjarjes, ku shihet dhe policia.