Autoritetet financiare të Rusisë janë urdhëruar të survejojnë aktivitetin ekonomik të lëvizjes politike të drejtuar nga Alexei Navalny si dhe transaksionet e mbështetësve të tij me profil të lartë. Ky udhëzim është justifikuar në kuadër të një investigimi përkundrejt një organizate kriminale.

Këto të dhëna së bashku me aktivitetin e individëve privatë pranë Navalny-t do të jenë të aksesueshme nga Interneti, në një përpjekje për të deklamuar lëvizjen opozitare e cila akuzohet nga Kremlini se financohet nga perëndimi dhe forca që duan të destabilizojnë Rusinë.

Në përgjigje të këtij agresioni të radhës të Kremlini, Shefi i Stafit të Navalny-t, Leonid Volkov ka lajmëruar se do të fillojë procesin e shkrirjes së njësive rajonale të lëvizjes politike për të shpëtuar aktivistët nga përndjekja dhe survejimi shtetëror.

Kujtojmë se dënimi i Navalny-t me dy vite burg pasi u helmua me elementë kimikë është cilësuar një akt i jashtligjshëm nga i gjithë komuniteti ndërkombëtar dhe ka shtuar presionin përkundrejt Moskës e cila sapo ka votuar një ligj që i jep mundësinë Putin që qëndrojë në krye të shtetit deri në vitin 2030.