Komisioni Qendror i Zgjedhjeve ditën e sotme po bënë shqyrtimin dhe miratimin e disa prej tabelave të rezultatit të zgjedhjeve për votImet e 25 prillit.

Kreu i KQZ, Ilirjan Celibashi ka vendosur miratimin e tabelës përfundimtare të rezultateve, në fjalën e tij pasi ka dëgjuar edhe shqyrtimin në lidhje me ndonjë ankimim të bërë nga subjektet dhe përfaqësuesit politik në qarkun e Kukësit.

Në fjalën e tij Celibashi bën me dije se në këtë qark nga 3 deputetë përfaqësues 2 janë nga PD dhe një nga PS-ja.

“Miratohet tabela e rezultateve për qarkun Kukës sipas lidhjes, miratimi për subjektet politike dhe për kandidatet për deputet në këtë qark. Po bëj me dije vetëm rezultatet për subjektin, në qarkun e Kukësit votuan 40894 zgjedhës, vota të pavlefshme dolën 2188. Në qark janë përfaqësues 3 deputetë, nga PD në Kukës e morën mandatin Flamur Hoxha dhe Isuf Çelaj, nga PS Genta Duraku”, ka thënë Celibashi.