Haradinaj: Sakrifica e dëshmorëve, udhërrëfyes për faktorizimin e shqiptarëve në rajon

Lajme

Haradinaj: Sakrifica e dëshmorëve, udhërrëfyes për faktorizimin e shqiptarëve në rajon

Reporteri

05 Maj 2021 | 13:48

Me rastin e Ditës së Dëshmorëve të Kombit, kreu i Aleancës për Ardhmërinë e Kosovës (AAK), Ramush Haradinaj ka vazhduar me homazhe në nderim të heroizmit dhe sakrificës së të rënëve për lirinë e Atdheut.

Ai përmes një postimi në Facebook, Haradinaj ka thënë se obligim i përbashkët është nderimi dhe kujtimi për përpjekjeve tona historike për liri.

“Me rastin e 5 Majit, Ditës së Dëshmorëve të Kombit Shqiptar, vazhduam me homazhe në Deçan, ku me respekt nderuam luftëtarët e Brigadës 131 “Jusuf Gërvalla”, e gjithashtu nderuam të gjithë të rënët për liri dhe dinjitet kombëtar në të gjitha trevat tona, në periudha të ndryshme historike. Është obligim yni i përbashkët të kujtojmë e nderojmë veprën, guximin e sakrificën e përpjekjeve tona historike për liri”, ka shkruar Haradinaj.

Lexo edhe:

Kryeziu: Aktgjykimet e Gjykatës Kushtetuese shndërrohen në ligje detyruese

Çitaku: Ftesa e Kurtit ishte farsë, ai takimin e cilësonte kompromis

Lirohet për qarkullim rruga drejt Jarinjës

Ai ka thënë se heroizmi dhe sakrifica e dëshmorëve të kombit do të jetë udhërrëfyes në rrugën e faktorizimit të shqiptarëve në rajon.

“Heroizmi dhe sakrifica e Dëshmorëve të Kombit, do të jetë përherë udhërrëfyes në rrugën tonë të shtetndërtimit dhe të bërjes së faktorit shqiptar në rajon – faktor i vërtetë i paqes, stabilitetit dhe zhvillimit”, ka përfunduar Haradinaj.

Shpërndaje: