Grupi Parlamentar i Lidhjes Demokratike të Kosovës ka lëshuar sallën e Kuvendit.

Ky veprim erdhi pas një debati që pati shefi i GP të LDK-së, Arben Gashi, me kryesuesen Saranda Bogujevci, shkruan Reporteri.net.

Gashi kritikoi Bogujevcin për pabarazi ndaj deputetëve, duke thënë se Kuvendi është i deputetëve dhe aty flasin ata.

“Ta keni parasysh që ky Kuvend ëështë i deputetëve. Këtu flasin deputetët. Deputetët duhet të jenë të barabartë e ju po i leni ministrat me folë 10 minuta e deputetët po i leni 2 minuta. Është në kundërshtim me Rregulloren e Punës së Kuvendit të Republikës së Kosovës dhe unë po ua lexoj nenin 48 të rregullores”, tha Gashi.

“Z. Gashi, a doni t’i referoheni diskutimeve, apo e ndërprejmë muhabetin këtu?”, ia ktheu Bogujevci.

“Dua t’i referohem të drejtës sime si deputet dhe shef i grupit…” tha Gashi dhe filloi që ta lexojë nenin 48 të Rregullores së Kuvendit, por Bugujevci ndërhyri sërish.

“Ju lutem regjia ndalja fjalën”, tha Bogujevci, duke bërë kështu që LDK-ja të dalë nga salla. /Reporteri.net