Kryeministri shqiptar Edi Rama i është drejtuar dje me një tjetër letër kryetarit demokrat Lulzim Basha duke e ftuar sërish për të nisur, pa humbur kohë, një dialog pa kushte.

Sali Berisha në “Opinion” i ka komentuar këto letra. Sipas tij, Rama me këto letra tregon se e do shkatërrimin e opozitës, ndërsa e ka cilësuar kryeministrin si bastard.

“Së pari duhet të kemi parasysh se duke lexuar dy letrat e tij, ju gjeni se ai është i vetmi shqiptar sot mbi tokë në Shqipëri dhe në planet që nuk ndien asnjë përgjegjësi për krizën e krijuar. Që gjithçka e projekton e nxjerr tek kundërshtari, e para kjo njëherë… Asnjë njeri nuk mendon se ai nuk ka përgjegjësi. Unë kam besim se çdo njeri normal e ka të qartë se çfarë do të thotë futja e bandave në zgjedhje”.

“Të shkruash letër duke nxjerrë të gjithë vrerin tek kundërshtari, të ftosh me vrer kësaj i thonë të ftoj duke vjellur vrer ndaj kundërshtarit. Ai aty i shpall luftë opozitarëve, ai kthehet në instinktin e hakmarrjes atërore. Nuk mundët kurrë një kryetar qeverie të thotë se është ogur i mirë shkatërrimi i këtij grupi”.

“Ai ka këtë koncept për opozitën. Imagjinoni shqiptarë se çfarë keni kryeministër, keni një bastard të etërve të tij mizrë që e mbajtën vendin. Çdo opozitar duhet ta ketë të qartë se kë ka përballë”.