Një shpërthim e një lëndë plasese e cila dyshohet tritol ka ndodhur para pak minutash në banesën e shtëtasit me iniciale O.V 36 vjeç, në Shijak.

Sipas policisë nuk ka të lënduar por vetëm dëme materiale.

“Më datë 23.05.2021, rreth orës 22:00, në lagjen” Kodra”, Shijak ka shpërthyer një sasi e vogël lënde plasëse në portën e banesës së​ shtetasit O.V., ku për pasojë ka vetëm dëme materiale.”- njofton policia.

Menjëherë në vendngjarje kanë shkuar shërbimet e Policisë dhe kanë shoqëruar disa persona në Komisariat.

Ndërkohë policia bën me dije se po vijon krehja e zonës.

Ndërkohë Ora News mëson se polici po merr në pyetje familjarët.

Grupi hetimor nën drejtimin e Prokurorisë po punon për identifikimin e autorit dhe sqarimin e plotë të rrethanave të ngjarjes.