Presidenti i Barcelonës, Joan Laporta ka bërë të ditur se negociatat për zgjatjen e kontratës së Messit janë duke progresuar.

Joan Laporta ishte duke mbajtur intervistë pas prezantimit të Eric Garcias si lojtari më i ri i Barcelonës kur u pyet për situatën e Lionel Messit.

Ai theksoi se bisedimet me Messin dhe përfaqësuesin e tij janë duke shkuar për mrekulli dhe shumë shpejtë pritet një marrëveshje, pasi paratë nuk janë objektivi kryesor i Messit por trofetë.

“Ajo çfarë po ndodhë me Leon nuk është çështje parash, por çështje e sportit dhe të ardhmes”, tha ai.

“Ai dëshiron të vazhdojë me këtë ide sepse ai dëshiron te ketë një skuadër që e ndihmon të fitojë trofe si Liga e Kampionëve dhe titujt e tjerë”, shtoi ai.

“Rinovimi i Messit nuk varet nga auditimi. Ne jemi në kontakt me agjentët e tij dhe negociatat po shkojnë mirë, ato po vazhdojnë të kenë progres”, tha Laporta.

“Ne kemi nën kontroll rezultatet e auditimit për këtë vit dhe nuk ka ndonjë problem, gjithçka është nën kontroll”, përfundoi Joan Laporta.

SEÑAL TV ? Joan Laporta desgrana cómo va la renovación de Leo Messi
? “No depende de la auditoría”
? “El tema de Leo no es un tema de dinero por su parte”
? “Sabemos que se quiere quedar, espero que sus ganas de seguir sean determinantes” pic.twitter.com/tTD8QLuOUI

— MARCA (@marca) June 1, 2021