Një tjetër operacion anti-drogë është zhvilluar në Shqipëri në ‘sezonin e kanabisit’. Këtë herë, shenjestra ishte Elbasani, ku policia ka arritur të godasë tentativën për kultivimin e bimëve narkotike.

Siç njoftojn mediat në Shqipëri, në kuadër të këtij operacioni, janë arrestuar 2 persona, të identifikuar si Mevlan Balla, Dashamir Balla dhe Federik Gaçi.

Njoftim i Policisë së Shqipërisë:

Finalizohet një tjetër operacion për parandalimin dhe goditjen e tentativës për kultivim të bimëve narkotike.

Sekuestrohen fara kanabisi, bimë narkotike kanabis dhe municion.

Vihen në pranga 3 shtetas, shpallen në kërkim 2 shtetas të tjerë.

Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, gjatë kontrollit masiv të territorit, shërbimet e Policisë Elbasan kanë evidentuar dhe goditur një rast të tentativës për kultivim të kanabisit duke arrestuar në flagrancë shtetasit:

, 32 vjeç, D. B., 39 vjeç, banues në Elbasan dhe F. G., 47 vjeç, banues në Krrabë e Madhe, Tiranë.

Si dhe janë shpallur në kërkim dhe po punohet për kapjen e shtetasve:

, 30 vjeç dhe I. B., 83 vjeç, banues në fshatin Krrabë e Vogël.

Arrestimi i këtyre shtetasve dhe shpallja në kërkim e bashkautorëve u bë pasi kanë tentuar për të kultivuar fidanë cannabis sativa në një zonë të pyllëzuar në fshatin Krrabë e Vogël.

Gjatë kontrollit të ushtruar nga shërbimet e Policisë në banesën e shtetasit I. B. janë gjetur dhe sekuestruar në cilësinë e provës materiale 26 fishekë dhe fara kanabisi.

Matrialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme procedurale.