Drejtoria Rajonale e Policisë në Prizren ka njoftuar se sot do të nënshkruhet “Memorandum bashkëpunimi për organizimin e shërbimeve të përbashkëta të policimit rrugor mes policisë së Kosovës dhe policisë së shtetit shqiptar në territorin e Republikës së Shqipërisë”.

Marrëveshja do të nënshkruhet nga Drejtori i Përgjithshëm i Policisë së Kosovës, Rashit Qalaj dhe Drejtori i Përgjithshëm i Policisë së Shtetit Shqiptar, Ardi Veliu.

Kujtojmë se ky bashkëpunim ka nisur tash e disa vite dhe ka për qëllim rritjen e efikasitetit e të luftës kundër humbjes së jetëve në aksidentet rrugore.