Ambasadori britanik në Kosovë, Nicholas Abbott ka folur pas nënshkrimit të Memorandumit të bashkëpunimit mes tij, kryeministrit Albin Kurti dhe kryeparlamentarit Glauk Konjufca.

Ai tha se pritjet e qytetarëve janë që kjo qeveri të mos ndjekë praktikat e mëparshme të kapjes së institucioneve përmes emërimeve politike.

“Isha shumë i kënaqur që isha në gjendje të nënshkruaj një Memorandum Mirëkuptimi sot me Kryeministrin Albin Kurti dhe Kryetarin Glauk Konjufca për të vazhduar dhe zgjeruar Projektin tonë të Rekrutimit. Pritjet e qytetarëve janë që kjo qeveri të mos ndjekë praktikat e mëparshme të kapjes së institucioneve përmes emërimeve politike.

E rëndësishmja, Memorandumi i ri përmban gjithashtu dispozita për të siguruar që janë ndërmarrë hapa konkretë për të rritur numrin e grave në pozicione drejtuese në të gjitha nivelet e menaxhimit, duke punuar drejt arritjes graduale të përfaqësimit 50%, siç përcaktohet me ligj.

Me të drejtë, media dhe shoqëria civile duhet të monitorojnë këto angazhime dhe të ngrenë zërin e tyre kur është e nevojshme. Ne, si partneri juaj në këtë sfidë, do të bëjmë të njëjtën gjë, si publikisht ashtu edhe privatisht”, tha ai.