Analisti Petrit Zogaj ka ironizuar me fushatën e Lëvizjes Vetëvendosje të bërë kundër mediave.

Zogaj përmes një postimi në Facebook ka thënë se VV-ja do të ishte mirë që përmes një liste, t’iu tregojë qytetarëve se cilat media duhet shikuar e lexuar.

“Është e udhës që LV përmes një liste, të na thotë se cilat media duhet shikuar e lexuar. Ndoshta, mundet me shku edhe me tej ne klasifikimin e tyre, psh, me na thëne se cilat emisione me specifikisht duhet shikuar e cilët artikuj duhen lexuar. Po ashtu, kur ndonjëra prej këtyre mediave del nga kursi i duhur, të cilin LV e përcakton gjithsesi, të na thotë që të largojmë nga lista median e degjeneruar. Me një fjalë, na e lehtësoni punën edhe neve”, ka shkruar Zogaj.

Ndaj kësaj fushate të VV-së, kareaguar edhe Federata Evropiane e Gazetarëve, të cilët i kanë bërë thirrje Lëvizjes Vetëvendosje që të ndal fushatën kundër gazetarëve në Kosovë.