Hakan Calhanoglu është kthyer në Milano ku do t’i nënshtrohet testeve mjekësore, në prag të kalimit në Inter.

Lojtari turk ka rënë dakord të nënshkruajë një marrëveshje tre vjeçare, me 5 milionë euro në vit dhe do të bashkohet me Nerazzurrit si një agjent i lirë.

Sipas raporteve në Itali, marrëveshja vjen me shtesa prej 1 milionë euro në sezon, raporton Football Italia, transmeton Klankosova.tv.

Calhanoglu ishte bashkuar me Milanin më 2017, dhe ata i ofruan 27 vjeçarit një marrëveshje të re prej 4 milionë eurosh në vit për të zgjatur qëndrimin e tij në klub.

Megjithatë, Calhanoglu hodhi poshtë ofertën dhe vendosi të bashkohej me rivalin lokal të tij.

Ai pritet të zëvendësojë Christian Eriksenin, karriera e të cilit duket në dyshim pasi i është vendosur një defibrilator zemre.

Calhanoglu mbërriti në aeroportin Linate të Milanit të hënën në mbrëmje.

Calhanoglu lands in Milano to complete his transfer to Interpic.twitter.com/BdfouxLCCv

— Milan Eye (@MilanEye) June 21, 2021