Deputetja e LDK-së Rrezarta Krasniqi ka kërkuar nga ministri Arben Vitia që t’u kërkojë falje qytetarëve për mosvaksinimin masiv siç ka premtuar.

Krasniqi ka shkruar në Facebook se është e ulët dhe e pamoralshme që të manipulohen qytetarët për një çështje të ndjeshme siç janë vaksinat.

“Ministri Vitija tani paska deklaruar se vaksinat anti-covid do të vijnë gjatë javës së ardhshme, ndonëse në një njoftim publik MSH kishte deklaruar javë më parë se nga 15 qershori do të zbatohet Plani i Veprimit për vaksinimin në masë, gjë që nuk ndodhi. Është e ulët dhe e pamoralshme të manipulohen qytetarët për një çështje kaq të ndishme si kjo me vaksinat. z. Vitija duhet t’iu kërkosh falje qytetarëve që i ke gënjyer se nga ajo datë do të nis vaksinimi masiv, ndërsa tani thua se vaksinat arrijnë në javën e ardhshme”, ka shkruar ajo.

Ministri i Shëndetësisë, Arben Vitia ka deklaruar sot se nga java e ardhshme do të arrijë kontigjenti i parë i vaksinave të blera nga kompania Pfizer.