Masakër në Velipojë, vriten 4 persona dhe plagosën dy të tjerë

Shqipëria

Masakër në Velipojë, vriten 4 persona dhe plagosën dy të tjerë

Reporteri

27 Qershor 2021 | 8:12

Një ngjarje e rëndë ka ndodhur pak pas mesnate në plazhin e Velipojës.

Mësohet se 4 persona janë vrarë me armë zjarri, ndërsa 2 të tjerë kanë mbetur të plagosur. Detajet e kësaj ngjarje tejet të rëndë janë ende të paqarta.

Sipas policisë, ngjarja tragjike ka ndodhur rreth orës 00:30, në Pulaj Plazh, Velipojë, si pasojë e një konflikti të çastit, i cili është përshkallëzuar në përdorim të armës së zjarrit.

Lexo edhe:

Shkodrani hero në Londër, shpëtoi nga mbytja vajzën 7 vjeçe

Tuneli i Llogorasë rihapet nesër dhe është pa pagesë deri më 15 shtator, shkurtohet rruga për në bregdetin e jugut

E konfirmon e ëma, Artan Lame ka vdekur: M’u shua shpresa që mu ngjall dje

Njoftimi i policisë:

Më datë 27.06.2021, rreth orës 00:30, në Pulaj Plazh, Velipojë, si pasojë e një konflikti të çastit, i cili është përshkallëzuar në përdorim të armës së zjarrit kanë mbetur të vrarë, shtetasit K. V. 59 vjeç, Xh. G. 25 vjeç , E. G. 38 vjeç dhe M. Z. 20 vjeç.

Si dhe janë plagosur shtetasit H. V. 54 vjeç, dhe E. D. 17 vjeç, të cilët dyshohen si autorë të përfshirê në konfliktin e armatosur.

Për hetimin dhe zbardhjen e ngjarjes menjëherë është ngritur një grup posaçëm hetimor me specialistë të strukturave hetimore në DVP Shkodër dhe të Drejtorisë për Hetimin e Krimeve ndaj Personit dhe Jetës në Departamentin e Policisë Kriminale në Policinë e Shtetit, nën drejtimin e Prokurorisë së Rrethit Gjyqësor Shkodër.

Në ndihmë të Policisë vendore ka shkuar FNSH Shkodër dhe një grup i Forcave Speciale Renea.

Grupi hetimor po punon për zbardhjen e dokumentimin e plotë të rrethanave dhe shkakut të kësaj ngjarjeje. /a2

Shpërndaje: