Aksidentet rrugore janë kthyer në një rrezik edhe për jetën e kalimtarëve.

Një tjetër aksidentet është regjistruar sot në tek “21 Dhjetori” në Tiranë, ku një shofer i cili ka kaluar me makinë ndërsa semafori ka qenë me të kuqe, duke përplasur një 23 vjeçare dhe 2 mjete të tjera. E reja ndodhet në spital nën kujdesin e mjekëve.

“Me datë 27.06.2021, rreth orës 14:45, tek 21-Dhjetori, mjeti me drejtues G. M., duke transportuar një shtetas të sëmurë për në spital, ka vazhduar lëvizjen me semafor të kuq, dhe ka aksidentuar këmbësoren shtetasen A. M., 23 vjeçe dhe dy mjete. Si pasojë është dëmtuar këmbësorja shtetasja A. M., 23 vjeçe, e cila ndodhet në spital, nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të aksidentit”, thotë policia.