Një ngjarje e rëndë ka ndodhur pasditen e sotme në Tiranë, ku një grua është dhunuar në mes të rrugës së Kavajës.

Mësohet se incidenti i dhunshëm ka pranë xhamisë ‘Dine Hoxha’, ndërsa dëshmi nga vendngjarja tregojnë se një kalimtar i rastit ka dhunuar dhe bërë për spital një grua, e cila kishte dalë bashkë me dy fëmijët e saj të mitur për të lypur.

Nuk dihen rrethanat se si ka ndodhur ngjarja, ndërsa kanë ndërhyrë qytetarët e rastit për të ndalur burrin nga veprimi i dhunshëm që po bënte ndaj gruas që lypte në rrugë.

Fill pas kësaj ata njoftuan policinë dhe ambulancën, e cila transportoi nënën e dy fëmijëve në spital. Policia ka mbërritur në vendin e ngjarjes, por nuk dihet ende nëse ka mundur që të arrestojë personin që ka dhunuar gruan.