Policia ka arrestuar një tjetër të dyshuar si autor i vendosjes së një sasie eksplozivi në një objekt në ndërtim në Lezhë, në dhjetor të vitit 2020.

Në bazë të provave të grumbulluara, policia ka vënë në pranga 21-vjeçarin me iniciale A. S., banues në Fushë Krujë.

Akuzat që rëndojnë mbi të janë: “Shkatërrimi i pronës me eksploziv”, “Prishja e qetësisë publike”, “Mbajtja pa leje e municioneve luftarake” dhe “Kanosja”.

Më parë është vënë në pranga autori tjetër i dyshuar për vendosjen e sasisë së eksplozivit në një objekt në ndërtim.

Më 19 dhjetor 2020 këta dy persona dyshohet se kanë vendosur në Shëngjin, në një nga kolonat e një objekti në ndërtim, në pronësi të shtetasit L. Gj., një sasi lënde plasëse, nga shpërthimi i së cilës u shkaktuan vetëm dëme materiale.