Policia ka arrestuar prokurorin e Kukësit Edmond Karriqi.

Prokurori akuzohet si i përfshirë në korrupsion pasiv. Ai akuzohet se merrte para për të favorizuar persona në hetim. Arrestimi i tij ka ndodhur gjatë një operacioni të policisë dhe gjatë kohës teksa ai ndodhej në qendër të qytetit të Kavajës. Edhe shoferi i prokurorit thuhet të ketë përfunduar në pranga. Policia ka bërë kontrolle në banesën e prokurorit dhe pritet të njoftojë nëse ka gjetur asete të dyshimta.

Edmond Karriqi ka qenë prokuror edhe i çështjes së këngëtares Fjolla Morina, e cila u kap me armë në pikën kufitare të Morinës.